> Was de Amtsinhawa do schreibd, herd sich jo gud oo. Awa
> der hod Zimmahouf schon viel vaschbroche - un ned ghalde.
> Die Agathe hod beim Zimmahefa Herbschd gsad, der wu im
> Palais Zimmamonn regiert, wär de Fodo-Gerd. Die hod
> recht. Jetzt isch dem Zimmamonn sei Kondafei soga uff de
> Houmpeitsch vun Zimmahouf. Dass der en Saientologe sei
> soll, isch doch e bleds Gebabbel vun oom vun de
> Schadträdt. Awa was die Schdadträd vun de onare Fraktion
> in Lesabriefe geschriewe hewe, war a ned berauschend un
> aus em ledschde Joahrhunad. Hewe die de Fahrplon vum
> ledschde Kaisa in de Hosedasch? De Blättgen macht dem
> Borjemoschda Muffesause. In seine Valaudbarung im
> Middeilungsblädle klingt de Zimmamonn jo faschd demidich.
> Hoffendlich isch das a noch de Wahl noch sou, dass sa
> sich an die vaschbrochene Tolaranz erinnad. De
> Guudsherreschdiel isch nämlich voabei. Un dann will i
> noch schreiwe, dass man e paar vu dene Schdadträd gege
> kombedendare auswechsle sod. Was moind ihr Zimmhahefa zu
> dem Vorschlag?